राहुल गांधी : राहुल गांधी सिख समुदाय प कवन बयान देले, जवना के चलते भाजपा विरोध करे निकलल?

राहुल गांधी : सिख समुदाय प राहुल गांधी के बयान प भाजपा हिंसक विरोध में चल गईल बिया। भाजपा के नेता कांग्रेस सांसद के आवास के बहरी हंगामा मचवले। दिल्ली पुलिस भाजपा नेता आरपी सिंह अवुरी बाकी सिख नेता के हिरासत में लेलस। भाजपा नेता आरपी सिंह कहले कि, राहुल गांधी के माफी मांगे के चाही। उ विदेशी माटी के इस्तेमाल भारत के बदनाम करे खाती कईले अवुरी सिख के बारे में बयान देले कि सिख के पाग पहिन के गुरुद्वारा जाए के इजाजत नईखे।

राहुल गांधी सिख समुदाय के लेके कवन बयान देले?
वर्जीनिया के उपनगर वाशिंगटन के हरंडन में भारतीय अमेरिकी समुदाय के सैकड़न लोग के संबोधित करत राहुल गांधी आरोप लगवले कि राष्ट्रीय स्वयंसेवक संघ कुछ धर्म, भाषा आ समुदाय के दोसरा से नीच मानत बा. कहलन कि भारत में लड़ाई राजनीति खातिर ना बलुक एही बात खातिर लड़ल जात बा. उ कहले कि सबसे पहिले त इ समझे के होई कि झगड़ा कवना बात प बा। लड़ाई राजनीति के नईखे। पहिला पंक्ति में दर्शकन में बइठल एगो सिख आदमी से राहुल पूछले, तोहार नाम का ह, हमार पगड़ी पहिनले भाई। कांग्रेस नेता कहले कि, लड़ाई ए बात प बा कि भारत में सिख के पगड़ी चाहे कंगन पहिने के अधिकार बा कि ना। भा सिख के रूप में उ गुरुद्वारा जा सकेला कि ना। लड़ाई एही खातिर बा आ ई खाली ओह लोग खातिर ना बलुक सगरी धर्मन खातिर बा. राहुल गांधी चार दिन के अमेरिका यात्रा पर बाड़न. शनिचर से शुरू भइल उनकर यात्रा के पहिला पड़ाव डलास रहे आ सोमार का दिने ऊ वाशिंगटन चहुँप गइलन.

विदेश में 'संवेदनशील मुद्दा' प बोल के 'खतरनाक प्रवचन' पैदा करे के कोशिश करत राहुल: भाजपा
अमेरिका में सिख समुदाय का बारे में राहुल गांधी के टिप्पणी का चलते भारतीय जनता पार्टी भाजपा पर निशाना साधत कहलसि कि लोकसभा में विपक्ष के नेता विदेशन में ‘संवेदनशील मुद्दा’ पर बोल के ‘खतरनाक कथ्य’ बनावे के कोशिश करत बाड़न . केंद्रीय मंत्री हरदीप सिंह पुरी कहले कि राहुल के इ टिप्पणी भयावह बा, काहेंकी उ रोजी-रोटी खाती विदेश में रहेवाला सिख समुदाय के लोग के बीच झूठ फइलावे के कोशिश कईले। सिख समुदाय से जुड़ल भाजपा नेता कहले कि, सिख लोग के पगड़ी अवुरी कदा पहिनले के बारे में उनुका टिप्पणी के हम कड़ा निंदा करतानी। कांग्रेस नेता के निशाना बनावत पुरी कहले कि हाल में राहुल गांधी राष्ट्रीय पहचान, एकता अवुरी विविधता समेत संवेदनशील मुद्दा प बयान देत रहले।