दिल्ली के रोहिणी के सीआरपीएफ स्कूल के पास विस्फोट, क्षेत्र में अराजकता
दिल्ली : दिल्ली के रोहिणी के प्रशांत विहार इलाका में अचानक विस्फोट के आवाज सुनाई देलस, जवना से पूरा इलाका में दहशत मच गईल। विस्फोट केंद्रीय रिजर्व पुलिस फोर्स (सीआरपीएफ) के स्कूल के नजदीक दीवार के नजदीक भईल। विस्फोट के बाद मौका प धुआं के भारी झोंका उठत देखाई देलस, जवना से स्थानीय लोग में दहशत फैल गईल।
रोहिणी के डीसीपी अमित गोयल बतवले कि विस्फोट के कारण के पता लगावे खाती विशेषज्ञ के बोलावल गईल बा। अभी तक इ साफ नईखे कि इ कवना प्रकार के विस्फोट रहे अवुरी एकर स्रोत का रहे। डीसीपी कहले कि विशेषज्ञ टीम के अईला के बाद ही स्थिति के बारे में पूरा जानकारी मिल जाई।
फोरेंसिक जांच शुरू हो गईल मामला के गंभीरता देख के दिल्ली पुलिस फोरेंसिक साइंस लैबोरेटरी (एफएसएल) के टीम के मौका प बोलवले बिया। टीम के ओर से विस्तृत जांच के बाद इ साफ कईल जाई कि विस्फोट के कारण काहें भईल अवुरी इ हमला भईल कि कवनो अवुरी कारण से दुर्घटना भईल।
पास के घरों और वाहन के टूटल शीशा
विस्फोट के गंभीरता के देखत दिल्ली पुलिस फोरेंसिक साइंस लैबोरेटरी (एफएसएल) के टीम के फोन कईले बिया, जवन कि ए घटना के कारण के जांच करी। अभी तक इ साफ नईखे कि विस्फोट कवनो हमला के नतीजा ह कि दुर्घटना। दिल्ली पुलिस के स्पेशल सेल भी जांच में सहयोग करतिया अवुरी मौका प पहुंच गईल बा। सूत्र के कहनाम बा कि विस्फोट के चलते पास में खड़ा गाड़ी के खिड़की अवुरी कुछ घर के खिड़की टूट गईल।
सिलेंडर ब्लास्ट के संभावना बा
सीआरपीएफ स्कूल के नजदीक बहुत दोकान बा, जवना के चलते अटकल लगावल जाता कि विस्फोट सिलेंडर के धमाका से हो सकता। हालांकि अभी तक एकर आधिकारिक पुष्टि नईखे भईल। आग लागे के संभावना के देखत फायर ब्रिगेड के टीम भी मौका प पहुंच गईल बिया। फिलहाल इलाका के घेराबंदी क के विस्तृत जांच चलता।